paashupatha

ಮತ್ತೊಂದು ಪ್ರಾರಂಭ

1910-1925

ಅನಂತವೆನ್ನುವುದು ಅನಾದಿ ಕೂಡಾ! ಹೀಗಾಗಿಯೇ ಎಲ್ಲಿಂದ ಪ್ರಾರಂಭಿಸಬೇಕೋ ಹೇಗೆ ಪ್ರಾರಂಭಿಸಬೇಕೋ ತಿಳಿಯದಾಗಿದೆ.

ಸುಳ್ಳು! ಆರಂಭದಲ್ಲೇ ಸುಳ್ಳು! ೧೯೧೦ರಿಂದ ಪ್ರಾರಂಭಿಸಬೇಕೆಂದು ಮೊದಲೇ ಅಂದುಕೊಳ್ಳಲಿಲ್ಲವೇ?

ಇಲ್ಲ. ಇದು ಪ್ರಾರಂಭವಲ್ಲ. ನಿಜಕ್ಕೂ ತಿಳಿಯದಾಗಿದೆ ಈ ಅನಂತವನ್ನು ಎಲ್ಲಿಂದ ಹೇಗೆ ಪ್ರಾರಂಭಿಸುವುದೋ!
ಕೃತ್ಯಾದವಸ್ಥೆ, ಆರಂಭವೇ ದೊಡ್ಡ ಅವಸ್ಥೆ. ನನ್ನ ಜೀವನದ ಕುರಿತಾದ ನಿಜ ಹೇಳಬೇಕೆನ್ನುವ ತಹತಹ! ಹೇಳಲಾರೆನೇನೋ ಅನ್ನುವ ಅನುಮಾನ. ಹೇಳಬಲ್ಲೆನೆಂಬ ಧೈರ್ಯ.

ಒಂದೊಮ್ಮೆ ಆರಂಭಿಸಿದೆ. ನಿಲ್ಲಿಸಿಬಿಟ್ಟೆ. ಮತ್ತೆ ಆರಂಭಿಸಿದೆ. ಮತ್ತೆ ಬಿಟ್ಟುಬಿಟ್ಟೆ.

ಇದು ಮತ್ತೊಂದು ಪ್ರಾರಂಭ!

ಇದುವರೆಗೆ ಪ್ರಾರಂಭಿಸಿದಾಗ 'ಎಷ್ಟು ದ್ವ್ಯರ್ಥ ಸೃಷ್ಟಿ!' ಎಂದೆ ಇವಾಗಲೂ ಅದೆ ಹೇಳುತ್ತೇನೆ. ಈ ಸೃಷ್ಟಿ ವ್ಯರ್ಥವಲ್ಲ. ದ್ವ್ಯರ್ಥ. ಇದಕ್ಕೆ ಎರಡರ್ಥಗಳಿವೆ.

ಆ ಮಾತಿಗೆ ಬಂದರೆ ಅನೇಕ ಅರ್ಥಗಳಿವೆ. ಅದೇ ಅನಂತ. ಇದೇ ನನ್ನ ಜೀವಿತ. ಸೃಷ್ಟಿಯಲ್ಲಿನ ಯಾಗಪದ್ಯವನ್ನು ನನ್ನ ಜೀವನದಲ್ಲಿ ಸಮನ್ವಯಿಸಿಕೊಳ್ಳುವುದಕ್ಕೆ ಈ ಪ್ರಯತ್ನ.

ಏಕಕಾಲಕ್ಕೆ ನನ್ನ ಜೀವನ ಸತ್ಯವೂ, ಅಸತ್ಯವೂ ಕೂಡ. ಅದು ಹೇಗಾಗುತ್ತೆ?

ಸೋಮದತ್ತ ಯಜ್ನದತ್ತ ಆಗಲೂಬಹುದು; ಆಗದಿರಲೂಬಹುದು. ಒಂದು ಸಲ ನಿಲ್ಲಿಸುವುದು, ಇಲ್ಲದಿರುವುದು ಹೇಗೆ? ಯಾವುದೋ ಒಂದು ಮಾತ್ರವೇ ನಿಜ. ಎರಡೂ ಆಗಿಬಿಡುವುದು ಅಸತ್ಯವೆನ್ನುವ ವಾದವನ್ನು ತಿರಸ್ಕರಿಸುತ್ತ ಎರಡೂ ಆಗಿರಬಹುದೆನ್ನುತ್ತಾನೆ ನಮ್ಮ ಒಬ್ಬ ಪ್ರಾಚೀನ ತಾರ್ಕಿಕರಲ್ಲಿ ಪ್ರಮುಖನೊಬ್ಬ.

(ಶ್ರೀ ಶ್ರೀ ಯವರ ಆತ್ಮಚರಿತ್ರಾತ್ಮಕ ಕಾದಂಬರಿ 'ಅನಂತಂ'ನಿಂದ.)